Milli qəhrəmanlar: Anatoli Nikolayeviç Davidoviç

Anatо́li Nikolа́yeviç Davidо́viç (belar. Анато́ль Мікала́евіч Давідо́віч) — Azərbaycanın Milli Qəhrəmanı; Qarabağ müharibəsi şəhidi.

Anatoli Nikolayeviç Davidoviç
Tam adı	Anatoli Nikolayeviç Davidoviç
Doğum tarixi	28 mart 1965
Doğum yeri	Skabin kəndində, Kapıl rayonunun^[1], Minsk vilayəti, BSSR
Ölüm tarixi	13 iyun 1992(27 yaşında)
Ölüm yeri	Bakı şəhəri, Azərbaycan Respublikası
Dəfn yeri	Slutsk, Minsk vilayəti, Belarus Respublikası
Ölüm səbəbi	Şəhid olmuşdur
Milli Qəhrəman adı	3 iyul, 1992, fərman N 24

Həyatı

Slutsk.

Anatoli Davidoviç 28 mart 1965-ci ildə Belarus Respublikasının Minsk vilayətinin Kаpıl rayonunun Skabin kəndində hərbçi ailəsində dünyaya göz açmışdır. Sonra ailələri ilə birlikdə Slutsk şəhərinə köçən. Anatoli burada 10 saylı orta məktəbi bitirib. 1989-cu ildə Ukraynadakı Sumı Ali Hərbi Artilleriya Məktəbini bitirib, SSRİ-nin Almaniyadakı Qərb qoşun qrupunda, Zaqafqaziya hərbi dairəsində qulluq edib.

1991-ci ilin iyununadək SSRİ, sonra isə MDB ordusunda xidmət etmişdir. Mayor rütbəsinə yüksələn Anatoli sonrakı həyatını Azərbaycan ordusu ilə bağlayır.

Döyüşlərdə iştirakı

"N" saylı hərbi hissədə artilleriya qərargahının rəisi idi. O Azərbaycan Silahlı Qüvvələrinin möhkəmləndirilməsində böyük tövhələr verir. 1992-ci il Ağdam rayonunda qızğın döyüşlər gedirdi... Anatoli bu döyüşlərdə əsl qəhrəmanlıq göstərirdi. Anatoli Ağdamda gedən döyüşlərdə ağır yaralanır, onu xilas etmək mümkün olmur. Xeyli qan itirdiyindən həkimlərin səyi nəticə vermir. Anatoli 13 iyun 1992-ci il Bakı şəhər Mərkəzi Hospitalında gözlərini əbədi yumdu. Belarus Respublikasının Slutsk şəhərində dəfn edilmişdir.

Ailəsi

Ailəli idi.