Rövşən Telman oğlu Əkbərov

Əkbərov Rövşən Telman oğlu — Azərbaycanın Milli Qəhrəmanı, general-leytenant.

Rövşən Əkbərov
Rövşən Telman oğlu Əkbərov
Rövşən Əkbərov
Doğum tarixi:	4 iyun 1965 (52 yaş)
Doğum yeri:	Bakı,  Azərbaycan
Vətəndaşlıq:	Azərbaycan
Mənsubiyyəti:	Azərbaycan Silahlı Qüvvələri
Qoşun növü:	Quru Qoşunları
Xidmət illəri:	1986-hal hazırda
Rütbə:	General Leytenant
Döyüşlər:	1. Əfqanıstan müharibəsi 2. Qarabağ müharibəsi
Təltifləri:

Həyatı

Rövşən Əkbərov 4 iyun 1965-ci ildə Bakı şəhərində dünyaya gəlmişdir.

1972-ci ildə 42 nömrəli orta məktəbin birinci sinfinə getmiş, səkkizinci sinfə qədər burada təhsil almışdır. 1979-cu ildə C.Naxçıvanski adına hərbi məktəbə daxil olmuşdur. 1982-ci ildə təhsilini müvəffəqiyyətlə başa vuraraq Kiyev Ali Ümumqoşun Komandirləri Məktəbinə daxil olur.

1986-cı ildə təyinatla Zaqafqaziya hərbi dairəsi komandanlığının sərəncamına göndərilir. 1987-ci ildə xidmət etdiyi ordunun tərkibində Əfqanıstana göndərilir.

1988-ci ildə Zaqafqaziya Hərbi Dairəsinə dönür. 1989-cu ildə xidmət etdiyi alayda bölük komandiri vəzifəsinə təyin edilir. 1993-1995-ci illərdə hərbi hissədə bölük komandiri olmuşdur. Qarabağ uğrunda gedən döyüşlərdə iştirak edən Rövşən Əkbərov 1995-ci il mart hadisələri zamanı silahlı dəstənin zərərsizləşdirilməsində də iştirak etmişdir. General-leytenant rütbəsinə qədər yüksələn Rövşən Əkbərov 1999-cu ildə Bakı Ali Hərbi Dənizçilik Məktəbinin, 2002-ci ildə isə Ukrayna Hərbi Akademiyasının müdavimi olmuşdur.

2002-ci ildən general-leytenantdır. 2011-ci ilin fevralında Şəmkir korpusunun komandiri təyin olunub.

Ailəlidir, dörd övladı var.

Mükafatları

Azərbaycanın ərazi bütovlüyünün qorunub saxlanmasında göstərdiyi igidliyə görə 2 dəfə "Azərbaycan Bayrağı" ordeni ilə təltif edilmişdir.

Azərbaycan Respublikası prezidentinin 5 oktyabr 1994-cü il tarixli 215 saylı fərmanı ilə Əkbərov Rövşən Telman oğlu "Azərbaycanın Milli Qəhrəmanı" adına layiq görülmüşdür.

• 14.12.1993 —  "Azərbaycan Bayrağı" ordeni.
• 05.10.1994 —  Azərbaycanın Milli Qəhrəmanı.
• 04.04.1995 —  "Azərbaycan Bayrağı" ordeni.
• 24.06.2003 —  "Vətən uğrunda" medalı.
• 25.06.2011 —  3-cü dərəcəli "Vətənə xidmətə görə" ordeni.

Filmoqrafiya

1. Dolu (film, 2012)